SXER - Acceso á información pública

Tramitable Dende 29/05/2025 -

Descrición

Todas as persoas teñen dereito a acceder á información pública nos termos previstos na lexislación sobre transparencia.

Enténdese por Información pública: os contidos ou documentos, calquera que sexa o seu formato ou soporte, que consten en poder dalgún dos suxeitos incluídos no ámbito de aplicación da Lei de transparencia e bo goberno e que fosen elaborados ou adquiridos en exercicio das súas funcións.

Lembrámoslle que unha gran parte da información está publicada no Portal de transparencia. Pregámoslle que consulte o Portal antes de realizar a solicitude por se a información xa estivera publicada.

Pode consultar o procedemento no Regulamento de Transparencia e de acceso á información pública da Universidade de Vigo (Capítulo IV – artigo 10 ó 15).

Dirixido a

Toda a cidadanía

Como facelo

A presentación de solicitudes supón a realización da totalidade dos seguintes pasos:

1. A persoa solicitante debe premer no botón Iniciar tramitación, que aparece na parte superior ou na parte inferior dereita da pantalla.

2. É imprescindible indicar no apartado de medios de aviso de notificación, no momento de iniciar este procedemento, unha dirección electrónica válida, xa que, é o medio polo que se van facer os avisos de ditas notificacións.

3. Descargar o formulario adxunto ao procedemento e gardalo no seu equipo antes de cubrilo, xa que de outra maneira non se gardará a información no PDF. Campos que aparecen:

Información que solicita (campo obrigatorio).
Motivación da solicitude.
Observacións

4. No apartado de Documentación anexar o formulario obrigatorio e aquelas que se considere oportuna.

5. Premer en Enviar.

6. Pulsar o recadro «Si» da venta de Confirmación de datos para finalizar o trámite de solicitude.

7. Si desexa descargar o Xustificante de rexistro e comprobar a documentación aportada, pulse a pestana Expedientes, situada na segunda posición da marxe dereita da súa pantalla.