Os requisitos de participación son os establecidos na base segunda da convocatoria, á que se pode acceder en https://secretaria.uvigo.gal/uv/web/convocatoria/public/index, seleccionando “Emprego” e logo “Concursos de profesorado” e empregando como palabra chave “PPL2401”.
Sen prexuízo dos requisitos xerais de acceso á función pública, os e as aspirantes deben estar en posesión da titulación de doutor/a e estar acreditados/as nos termos que se indican na base 2.1.d).
Como facelo
A solicitude de participación xerarase cubrindo o formulario integrado na aplicación web da Universidade de Vigo, seguindo o correspondente proceso de inscrición. O enlace é distinto segundo se trate de persoas que xa teñan usuario de Secretaría Virtual ou non, tal e como se indica máis adiante no apartado FORMULARIOS RELACIONADOS.
Esta mesma aplicación será a que permitirá realizar o pagamento telemático das taxas ou, no seu defecto, xerar o impreso para o pagamento manual a través das entidades colaboradoras.
A solicitude de participación xerada pola aplicación web deberá ser presentada, xunto coa documentación correspondente(ver apartado DOCUMENTACIÓN REQUIRIDA), na sede electrónica da Universidade de Vigoa través deste procedemento.
Documentación requirida
A documentación a presentar é a que se indica na base terceira, apartado cuarto, da convocatoria. Esa documentación presentarase en formato PDF e a través da sede electrónica da Universidad de Vigo a través deste procedimiento e, en todo caso, dentro do prazo de presentación de solicitudes (ver apartado PRAZO DE PRESENTACIÓN).
Observacións
ÓRGANO ENCARGADO DE TRAMITACIÓN
Servizo de Persoal Docente Investigador correo electrónico: consultapdi@uvigo.es.
O concurso rexerase pola LOSU, a LPACAP, a LRXSP, o TREBEP, os Estatutos da Universidade de Vigo, o Regulamento de profesorado da Universidade de Vigo, a normativa reguladora dos concursos de acceso aos corpos docentes universitarios e ás categorías de profesorado permanente laboral e axudante doutor (na súa versión de 12/03/2025) así como polas bases da convocatoria e demais normativa que resulte de aplicación.
