Proxectos coordinados entre distintos ámbitos de coñecemento (anexo III), a solicitude consistirá na proposta dun proxecto coordinado constituído como mínimo por dous subproxectos de ámbitos de coñecemento diferentes, independentemente do número de subproxectos que o conformen. Cada subproxecto terá asignado un/unha investigador/a principal, sendo un deles, ademais, o/a investigador/a coordinador/a, que será o/a que presente a solicitude.
Tamén poderán presentarse proxectos coordinados entre distintas áreas de coñecemento (anexo III), a solicitude consistirá na proposta dun proxecto coordinado constituído por dous subproxectos de dúas áreas de coñecemento diferentes. Cada subproxecto terá asignado un/unha investigador/a principal, sendo un deles, ademais, o/a investigador/a coordinador/a, que será o/a que presente a solicitude.
Co fin de impulsar a interacción entre grupos de investigación de distintos ámbitos de coñecemento, priorizaranse para a súa financiación os proxectos coordinados de ámbitos diferentes.
Os grupos de investigación deberán estar rexistrados no catálogo de grupos de investigación da Universidade de Vigo (SUXI), e só poderán participar nun subproxecto por grupo.
ÓRGANO ENCARGADO DE TRAMITACIÓN
Vicerreitoría do Campus de Ourense-Campus Auga
Tfno.: 988387300
Enderezo electrónico: vicou@uvigo.es
PRAZO DE PRESENTACIÓN
Dende o día seguinte ao de publicación desta convocatoria ata o día 22 de marzo ás 23:59 horas (hora peninsular española).
PRAZO DE RESOLUCIÓN
Tres meses contados a partir do día seguinte á data de finalización da presentación de solicitudes.
SENTIDO DO SILENCIO
Negativo
NORMATIVA APLICABLE
Convocatoria de axudas a grupos de investigación do Campus de Ourense (InOu 2021).
FORMULARIOS RELACIONADOS
O formulario de solicitude pode descargarse no enderezo https://secretaria.uvigo.gal/uv/web/convocatoria/public/show/639
